Psalmus 27 HIDE LINKS TO MANUSCRIPTS
| 1 | huic David ad te Domine clamabo Deus meus ne sileas a me nequando taceas a me et adsimilabor descendentibus in lacum |
| 2 | csg75.469 exaudi vocem deprecationis meae dum oro ad te dum extollo manus meas ad templum sanctum tuum |
| 3 | ne simul tradas me cum peccatoribus et cum operantibus iniquitatem ne perdideris me qui loquuntur pacem bnf11947.47 r cum proximo suo mala autem sunt in cordibus eorum |
| 4 | da illis secundum opera ipsorum et secundum nequitiam adinventionum ipsorum secundum opera manuum eorum tribue illis redde retributionem eorum ipsis |
| 5 | quoniam non intellexerunt opera Domini et in opera manuum eius destrues illos et non aedificabis eos |
bnf11947.47 v | 6 | benedictus Dominus quoniam exaudivit vocem deprecationis meae |
| 7 | Dominus adiutor meus et protector meus in ipso speravit cor meum et adiutus sum et refloruit caro mea et ex voluntate mea confitebor ei |
| 8 | Dominus fortitudo plebis suae et protector salvationum christi sui est |
| 9 | salvam fac plebem tuam et benedic hereditati tuae et rege eos et extolle eos usque in aeternum |